24. kantonals schützäfest uri 2011

26. juni 2011, am morge am halbi föiffi, gmeiniplatz, z'ormalinge, es isch bewölkt, und es rägnet immer es bitzeli.

d'ormalinger feldschützä gönge ans kantonale schützäfescht in uri. mir fahre mit emenä bus und zwöi auti, wo nümmä zrugg chömmä, philippe und vinc, dört anä. ohni zwüschäfall dört obä acho, müessä mir zerscht go d'gwehr konntrollierä. au das isch fascht ohni beanschtandig dure gange, numme hett mim abzug, s'gwicht wo er ane hänkt, nümme g'heppt. er hetts nomol ane g'hänkt und nomol ane g'hänkt, nochher het er immänä kolleg grüefe und gseit, brobir emol du, er hets brobiert und es isch durä gheit, "mr löes jetz losi, es het villicht 2 gramm zwenig" und er het dr chläber anegmacht.

mr si uf euisä schiessplatz, ( silenen ), anegfahre. dr erwin het no underwegs gseit, " jetz muesse mr no ufwärts schiesse, ich schiess nid gern ebe, denn isch guet !" mr chömmä dört aa, und prommt schiesse mr ufwärts, und wie, erfüllt ! diä eintä hei dört gschossä, diä andere si in dr beiz ghockt. mir hei uber dä stand diskutiert, do chunnt einä vo denä und seit," es sig ä ringä stand obwohl er ä so vill ufä ghoht ".

es gohr nid lang, do chunnt ä schützämeischter vom stand obä und seid "jetz het grand eine fo euch 58 gschossä, er glaub er heissi erwin, jetz säget numeno dä stand sig i nüd ?" dr erwin het 58 vo 60 gschossä gratulation !!

äso isches dr ganz tag gangä, natürli nid mit denä resultat.

noher si mir go abrechne uf "seedorf." mir hei das prozedere gmacht, alli wo gschosse hei, hai dr chranz und d'goobä entgege gno. noher si mir abgfahre, aber vorher hämmer no nä gruppefoti gmacht.

leid het mir dr vincent do, dä isch nämmli unverrichteter dinge hei gangä. ich weiss nid worum. i ha nummä öppis ghört vo ( kei disziplin und verantwortig ). jä nu, i ha gfundä, es het alles gstumme in dem schiessstand.

jetz no ä paar fotene vo däm tag. tschau zämä

das isch d'schtandartä vo ormalingä wo au mitcho isch

das isch am morgä am halbi sächsi

dr presi het im philippe no zeigt wo er muess anefahrä

es isch scho früh gsie, wo mir abgfahrä si, am viertel vor sächsi.na ja..

dr vinc, wo nid gschossä het, het s'büechli studiert.....

dr peter het gluegt, öb si ihm si name richtig gschriebä hai...

dr jörg het sini schüess zellt, und gluegt öb d'aazaahl stimmt....

dr klaus kontrolliert sini stichä no einisch...

dasch dä maa, wo nis diä 58 punkt vom erwin verkündet het... und dass dä stand eso guet isch....

dr philippe isch no ächli müed, nach im do ufä fahrä....

nochher ischer mit derä diskusion ufgwacht und het mitgmacht......

und no echli spöter het er sich gsammlet zum schiessä.....

ich bi go d'landschaft abfotigrafierä.....

schön isch usblick vo do obä....

dasch dr grillöhr gsi, in däm schützähüesli

dr jörg vorim go schiessä....

do hei sich zwee gfreut, si hai allwäg grad dr chranz gschossä

mä het zmittag gässä, und vill z'verzellä gha....

aus s'kurmannä hets passt, dr walti und dr christian....

di eintä hei g'jasset und diä andärä hei öpis gsucht im rucksack... gäll babsi...

do het dr steffi öpis verzellä gha....

do si di beidä christian uf eim foti....

dr peter und dr andi churz vor im abfahrä

mr sägä no einisch adiö dem uristier

dasch s'letschtä foti vo däm schönä tag ! uf widerämol ! tschüss.