Sali zämä

do si mr widder, mr wei alli diä schöne prisä mit hei nee !!!
i ha leider bim schiässä keini foteli gmacht, eifach vergässä !!!! aber schribä drüber chame allno !!!

also, zerscht möchti sägä das vill zwenig schützä gschossä hei, und diä no z'billig, ( hauptdoppel isch 20 franke gsie, dasch glich gsie, aber d'nodoppel hai mr 2 franke zahlt, hai aber 3 franke koschtet. d'prisä si halt es bitzeli chliner als normal, jää nu, cha passierä !!!)

jetz isch dä tag cho, s'absendä vom sou - schiässä 2010 ! mir si im schützähüsli zämächo zum d'prisä in empfang schönä z'nee. sisch ä nüechteri sach gsi. es si ä paar nit cho und somit ischs eifach ä faali gsi.

mir hei alli wo hei wöllä ä blut und ä läberwurscht mit zibäläsoosse übercho, ( sehr leckeri würscht ) dr räschtä het ä buuräbrotwurscht au mit zibeläsoossegässä ( au lecker, het mä ghöre sääge ) und früschs buurebrot. dr ganzi obä het dr jörg ehrsam serviert. kompetent het er daas gmacht, dankschön !

nochher isch das absendä an dr reihe gsie. dr stefan stohler het das duregfüert. es het natürli mit em 1. platz aagfange, woner selber gsi isch. s'gröschtä päckli fleisch. 2. platz het dr pauli iigno. s'zwöitgröschti päckli. dr 3. platz isch dr cornel fries gsi. s'drittgröschti päckli. die andere si alli nocher cho, mit alles fleisch - prisä. herzlichä dank !

mä isch noher no ä chli ghockt, het brichtet, und isch aaschliessend hei gangä. bi mir isches viertel vor ölfi gsi, woni dähei gsi bi.

mir weih luegä öbs in zwöi joor nit no es bitzeli mehr lüüt git. bis dennä, guet schuess witerhin. tschau zämä

diä obligatorische fotenä

das si diä prise gsi, wo naher iipackt worde si

dr marci und dr walti si do drfüer zueständig gsi

er het scho widder äs schlemischs lachä druff gha, marci

dr erwin und dr heinz hei au ufs ässä gwartet

wiä au diä anderä, gäll nöggi, mit em bier isch's nit gmacht

das si sommers und s'margrit gsi

dr klaus het gseh, dass i am abfotigrafierä gsi bi

dr steffi het sich ufgschtellt, näbädra dr jörg

er het diä arbet guet gmacht, stefan stohler

er het sich guet ahne gschtellt, dr steffi, 1. rang

dr pauli het däm züüg nit so recht draud, 2. rang

dr cornel isch anä gschtande wienäs modell, 3. rang

das si sä nomol, härzlichi gratulation denä dreinä

vo dämm weis i dr vornamä nümmä, herr sommer, 4. rang

do si si am brichtä gsi, dr chris, dr jörg , dr walti und dr marci

dr Webmaster...