sali zämä....

wie jedes joor hei mir wider es kantonals schützäfescht bsuecht, es isch das joor s'solothurner gsie.

mir hei nis troffä am virtel vor zähni ufem gmeiniparkplatz. mir hei teischä unds gwehr verstaut und si uf das subingä zur gwehrkontrollä gfahrä. es isch alles guet gangä und si nochher uf deredingä, wo mir gschossä hei, disloziert.

dört acho, sie mir go d'munition abhole, mit im kleber natürli.

i ha mi gwunderet dass es ä so wenig lüt gha het. hei jo sisch halt fritig gsie. mir hei im feschtzält platz gno, und heinis lo bedienä vonerä tailändischä serviertochter. si het dört au d'beiz gfüert under im joor. es het frühligsrolle mit enärä würzigä sosä geh, pouletflügel, würscht brötlet oder nid, und so widder. äso heimer d'mittagspause ummäbrocht.

jetz am halber zwöi hei mir afo schiässä. dr philippe isch usecho mit 2 chränz und so isches dr ganzi tag widergangä. es isch zue schön gsie aber zech trotzdämm as mes äso guet gseh het. nochher simer go abrechnä, wider z'subingä. chränz und barprisä und bares. trotzdem, mir hei nid weniger als 39 chränz gschossä zu elftä. got no, oder?

mir si ufä heimweg gangä richtig roseneck zum nachtessä. s'het dört gschnetzlets mit teigwarä, ochsemulsalat garniert oder rindsfilet mit gmüse gee. lecker!!!

am elfi si mir uf ä parkplatz gfahrä, und alli si heigangä

i ha nid vill mehr z'schribä vo däm tag. a jä s'het no ä paar fotänä. tschüss...

die schützinä und schützä hei alli gschossä, plus 1 fan, s'babsi...

dr peter und dr heinz si sich noni schlüssig gsie...

mä het sich underhaltä...

diä andärä hei telefoniert, fründlig ind kamera gluegt oder öppis luschtigs verzellt...

uf däm schild si diä iheimischä schützäverein gschtandä....

dasch im babsi sis zmitag gsie...

noher het sie gschlofä...oder ächt ???

dr pauli het öppis verzellt....

mir hei alli zueglost...

äso het dr stand vo innä usgsee...

das si d'schibä...zum aluegä nid schlächt...ober ebä..

dasch dr philippe bim gnauä schiässä...

s'erna und dr heinz, si luegä no skeptisch....

am walter a, isches au noni besser, do nützt au diä schöni blume nüt...

do heimer halt no e chli widder disqutiert...

au dr peter hets glatt gha, er het irgend ä seich verzellt...

s'babsi bim ummäluegä...

dr philippe isch scho zimlig gschafft gsie...

dr walti het au ä witz verzellt...

s'babsi mitärä sunnäbrüllä... ala paris hilton...gäll heinz.....

dr philippe het dr chranz 5 fach...ä täschä mit essbarem züg dinnä...und äs BIER...

do simer scho in dr roseneck z'gälterchindä und pschtellä öppis z'ässä...

diä 2 walter löhn sich lo bediehnä....

s'babsi lost eus zue...dr heinz lot dä tag nomol durä im gedächtnis...

es gschnätzlets und teigwarä...ä guetä pauli....

mr hei gha...gäll peter...

s'jasmin studiert au no am tag ummä...

dr presi isch in unternähmerischer stimmig...

diä 2 löi äs au lo usklingä..babsi und heinz...

um dä chranz z'erreichä, si mer hüt an das kantonale schützäfescht solothurn..

do si mr nomol... guet nacht zämä.....uff s'näscht joor....

uf ä andermol. tschau zämä....dr Webmaster...