|
Sauschiessen 2007
Sali zäme, So jetz isches ä so wiit, s'Absendä vom Sauschiessä isch an dr Reihä ! Es si leider nit alli cho, wo gschossä hei. Aber diä wichtigschtä si do gsii. Mir hei zerscht emol diä verschprochenä Blut- und Läberwürscht gässä. Dr zueä hets Brot vom Babsi, und ä wunderbari Zibäläsausä gee. Gmacht het se Marci Gisi. Warmgmacht und serviert ischs von Walti wordä.... Herrlich !!!!!!! I ha leider keini Fotänä vo däm Schmaus. Aaschliässend si mir überägangä zum eigentlichä Absändä wo dr Peter Scholer durägführt het. Er hett alli diä wo gschossä hei abägläsä, und diä hei ihrä Pris chönä go holä, bis uff diä, wo uffem Stockerl gschtandä si. Do heimer uff em 3. Platz, Barbara Schär. äs Filet, äs Nierstück, Brotwürscht. Uffem 2. Platz, isch dr Christian Kurmann gsie, ä Beischinkä ohni Huft. Und uffen Stockerl zoberscht gschtandä isch dr Peter Kull. 1. Platz. Er het ä Beischinkä mit Huft usägschossä. I gratulier dene dreinei ganz herzlich !!! Und do si no ä paar Fotänä. 
Das si sä gsii, diä Sieger vo dem Sauschiässä. Me chönt au emol ä chli lache, Christian ! 
Er hets sä abegläse, diä Mitgschossänä vo däm Schiässä. 
Barbara Schär ( Babsi ) 3. Platz. Gratulation ! 
Christian Kurmann 2. Platz. au Gratulation ! lach emol Chris........... 
Peter Kull. ( Pauli ) 1. Platz. Recht härzlichi Gratulation ! 
Diskussionä über dies und das 
Do si si glaub still und bedächtig doghockt und hei zuglost 
Das isch eusi Seniorä Gruppä, dr einti gseht sis Whyglas emel grad no 
Au dr Hansreudi het nach öbbä 25 Joor no d'Schiebä bräicht, widder ä so 
Au S'Kummlis si do obä gsii 
Do sie di drei nomol. Er lacht immer nonig............... Also am Grättimaa - schiässä, 8. Dezäbär, gsei mir eus widder. mit Schützengruss tony |