|
15. kantonals schützäfescht neuäburg 2012 tschau zämä.... 1di tag.... es isch wie nä tag gsi, zum vergässä, für mi nämli und andäri. mä isch chrumm glägä, und villes mee het mir nid passt an däm stand, also vergässä mirs. mir si am mittag, nach villem falschfahrä und suechä, in däm stand wo ich in dä stand inächo bi, hett mi fasch dr schlag troffä, ä so schreg, min 15 grad liggä,
dass chönnä allwäg nummä die do undä, aber ich nid. i ha do scho denkt, ä chranz isch do ä zufall !
und es wäri ä zufall, wo mir am obe fertig gschossä hei, hani emol zellt, wivill chränz dass mir gha hei. dr walti 0, dr klaus 3, s barbara 3, dr chrischtian 1, dr peter 2, dr steffi 2, dr phil 0, dr andi 1, dr erwin 0, und dr mätteli 1. das isch diä mageri üsbeuti gsi, s'letscht joor, am urner, hei mir stark 4 pro schütz gha, und jetz öppä 1.8 pro schütz, nid emol halb so vill, das isch mager. dr heinz, dr peter und ich, hei no allnä adiö gseit, und si denn gangä. dr räscht isch mitemä bus gangä und dr andi mit sim töff. dr rescht vom verein isch nochher uf neuäburg zrugg gangä, und hei dört di plamage abgrechnet, di paar chränz goholä. aaschliessend hei si s'hotel bezogä, eingecheggt. nochher hei si sich widder in dr gartäwirtschaft troffä, und hei z'nacht gässä. mä het über dä ussergwöhnlig stand gschwätzt, und dört und do es unschöns wort ghört. jä nu, es isch eso !!! und plötzlig seit dr andi, "isch das nid dr markus wo dört chunnt ?" tatsächlich isch er s'gsi.
er isch wegem peter, wo miterä darminfektion "flora zerstört", het müessä im spital bliebä.
er isch am glichä tag wider heim. gueti besserig ! nach im morgä n'essä si si uf es wyyguet gangä, go wyy probierä. es het chalti plattä, salzstängeli und süscht zum zum wyy, leckerreie ghe. es si emmel 11 fläschä leer gsi!!! dr hans isch hei gfahre. so si si am suntig zmitag am ca 5i heicho. mä het adiö gseit, und das schützäfescht möglichscht schnell vergässä. i ha do no ä paar fotenä zum aaluegä. 
das isch di jungi damä gsi, wo gsungä het. i weiss nid, wärs isch...... 
ä gueti stimm het si gha...... 
das isch regierig vo dem schützähüsli..... 
mä isch zäme a eim tisch ghockt zobä.... 
im erwin ischs nonig ä so drum gsi...... 
s'babsi isch do scho im elan gsi, und het tanzt..... 
die eintä hei bier trunkä, die anderä hei jassed..... 
dr jörg hei sini charte zeigt, es schissblatt.... 
dr walti het do mit eim diskutiert..... 
dr erwin mit dä gschtolenä chränz, gäll matthias.... 
ä wunderbari sicht het mä gha, do obä abä..... 
dr ormalinger souhuffä vor im schützähüüsli.... 
dasch wohrschinlig d'empfangsdamä vom hotel gsi.... 
dr phill und's babsi bim obespaziergang..... 
do erklärt s'babsi im phill grad, wo die schiff alli här chömmä.... 
dr marci mit em 5 fachä chranz.....gratulierä.. 
au dr hans het ä chranz.... 2 fach....guet gmacht 
s'barbara het ihrä au gholt..3 fach.... wunderbar 
do isch dr markus, dä isch nid mit eus cho......si hei in aatroffä z'neuäburg... 
do sisi alli bim nachtessä.... 
ä sones abfotigraphiergrät cha no ziemlig kompliziert si, gäll babsi.... 
dasch in dem wyyguet wo mer gsi si, am sunntig zmitag 
dasch dr roger sandoz, dr bsitzer vo do..... 
do hai alli uf ä nechstä wyy gwartet..... 
dr erwin macht grad ä mittagsschloof.... 
dasch isch nomol di wunderbari uussicht vo do obä....tschau zämä ! dr Webmaster... |
| letztes update 26. Juni 2012 |