Startseite | Aktuelles | Vorstand | Daten | Statuten | Gästebuch | Fotoalbum
 

Grättimaa - Schiessä 2005

Sali Zäme

Mr hei wiä all Joor euses Grättimaa - Schiessä durägführt.


Mr hei do 14 Schuss gschosse, nämmli 4 Probe, 5 Einzel, 2 in Serie und 3 in Serie
dr sogenannti " Bierstich ".

S het wie fascht wie all Joor dr Buser Urs gunne, nach im dr Kull Peter und d' Rindisbacher Doris, ä Frau.

Aschliessend hei mr dr Glücksstich gschosse. Do het dr Gysi Marcel d'Nasä zforderscht gha.
S'isch halt ebä ä Glücksschiebä gsie und diä brucht halt ebä ä chli viel Glück !

Nochhär sie mr zum gmütlichä Teil übärä gange. S'het Ghackets und Hörnli mit Öpfelmues geh,
es vorzüglichs Menü.

Im witerä hani nüd meh z'sägä, als ebä allnä es guets neus Joor zwünsche und viel Gsundheit.


Aschliässend hani no ä paar Fotenä vo däm Tag



D'Hämmiker si au awäsend gsie

dört hinde hei sie Gramset, und do forne süscht es Spieli gmacht

shet jedä ä Sackbock ghaa, bi däm Rams

Mr heis ziimlig luschtig ghaa

Mä het diskutiert und Nüssli gässä

Eusä Presi denkt do über si Gwünn nochä (er isch erstä im Glücksstich gsie)

S'hei alli es glücklichs Gsicht gmacht, bi däm Rams

Dr Geppel Konny het di Sach genau im Aug ghaa

Do het allwäg eine ä luschtigä Witz verzelt

Dr'Kasserieri hets au gfalle und si dänkt, wenn gönge sie ächt hei ?

Do hämer in jetz, dr Grättimaa - Sieger ! Härzlichi Gratulation !

letztes update 16. Dezember 2005