Startseite | Aktuelles | Vorstand | Daten | Statuten | Gästebuch | Fotoalbum
 

Appenzell Ausserrhoder Kantonalschützenfest 2006

Tschüss Zäme

Sid dir alli fit, nach däm heissä Schützäfescht ?


Also vo Afang a. Mir si am Fritig am morgä am 8i losgfahrä. Dr 1. Halt hei mir uf dr Raschtschtätt Thurau planet. D'kollege us em Fahrzüg von Jörg und vom Gilb hei gmeint, uff dr Raschtschtett Forrenbärg
"sisch denn scho warm gsii "!!!
Mir hei is denn mit em Natel verständiget und si go Gwehr konntrollierä, " d'Schwellbrun " Nochhär si mir ufä Schiässplatz " Schönengrund " gfahrä, shet klöpft aber wo si denn D'schiibe ? Dr Peter säit, " dört hindä isch's Schützehüsli ! " Nachemä Marsch vo ungefähr 10 min, si mir denn ändlig aacho, zmitag am zwölfi. Mir hei nis no Verpflägt und nochhär im Schiässä gwidmet.

Das Schiässä, es isch nid ä so eifach gsii, wiä villi dänkä, bi derä soau Hitz ! Dr Erwin isch glii scho, " I ha dr Chranz gschossä im Ehrengobe - Stich "! Äso isch's dr ganzi Tag wieddergangä! Am Schluss häimer uff ä erfolgriichä Tag chönnä zruggblickä, es häi alli dr Chranz gschossä, in irgend ein Stich !
B R A V O !!! B R A V O !!!

Nachem Abrechnä heimir dä Eitagsfliägä adiä gsät, Pauli, Gilb, Jörg, Paul, Erwin, Andi, Heinz. Diä anderä si blibä, Peter, Jannette, Vinc, Elisabeth, Forter Andi, Babsi, Käthy und ich, dr Tony, und si uff Appizell gfahre, Zimmerbezug! Aaschliässend heimir ä gmütlichä Obä bim Nachtässä und ämmänä erholsamä Spaziergang in däm wunderschönä Städli Appizell " vill Beizä " schöne verbringä.

Am zwöitö Tag hei mir is uff ä Wäg noch " Rehetobel " gmacht, nachämä usgiebige Zmorgä, dr räschte go bsuche, Marci, Urs, Stefan, Walti, Jungschütz Christian und Phillipp, und dr Junior Christian Kurmaa. Au bi denä isch's rund gloffä, alli usser dr Christian und dr Phillipp, nochemä Sponsoring vo Euis für ä " Osserooder-Stich " häi si dr Chranz chönnä aahänkä.

Nohär heimär dä Verantwortlichä adiö gseit, und si, noch Abschbroch mit dä Fahrer, zrugg ins Baselbiet gfahrä. Mir häi äuis in dr Sagi wider troffä. Bimenä gutä Essä und ämä gute Glas Wy, isch das Schützefescht "Abgesendet" wordä. Es si ämäl alli gsund retour cho!

Aschliässend hani no ä paar Fotenä vo denä 2 täg.



s'Käthy het das Zelt bewunderät

dr Peter het dänkt, "wenns numä guät goht"

Äso ischs gsii, äs Schützähüsli und kei Weg

s'Babsi het binärä zigarettä bi dä Kollegä zueglost

dr Jörg wiemä in kennt, er het au zuglost

au dr Gilb het sis Büechli gschtudiert, wenns numä nid eso heiss wär..........

sisch halt scho öppis guets, esonä Schützekaffi

dr Peter het denä zwoi sicher öppis ernschts verzellt

Erwin live, dr Blick und Schiässbüächli

au euisi Standartä het mit dörfä an dä Aalass

was het echt dä gmacht,dänkt do dr Stefan

das isch dr Urs bi dr vorspiies zum Mitagessä

i weiss au nid, was s'Babsi do zlachä het

was heder ächt do usgrächnet?????????????

do het dr Forter Andi äs Dischpitat über diä allgemeini Lag gha

au am Samschtig isch flissig g'Fuderät wordä

näbäzue het mä ä gmüetlichä Jass gmacht, mit dä dütsche Chartä, verstoht sich

i glaub do het dr Urs ä Witz verzellt, aber numä einä het glache

was isch echt dört undä los ?

au dr Urs hets wundergno, hets klöpft?

gedankäversunkä chratzt sich s'Babsi am Ohr

mä het tüchtig Diskutiert, do het i no einä mehr chönä machä, s'Jannett lost ämäl zue

dr Hüttäwart het do gfrogt, wo echt Ormalingä isch?

eusi zwe Jungschützä bim uffbrechä

wieä wie im Militär, Gewehr bei Fuss!

au s'Kurmannä hei Hunger gha, en Guetä

hei si echt glachä ab im Schissdräck vom Urs?

s'barbara het däm Doppeldecker zugluegt

mr si alli glücklich vereint, in dr Sagi z'rotheflueh

do si mer nomol alli, usser s'Käthy wo d'Foti macht

letztes update 25. Juni 2006