|
Winterausmarsch 2009 Sali zämä : Dr Winterusmarsch wird widder durögfüert, sletscht mol simer ufem Rünäbärg gsie 1992. Jetz gömmer uf Wägästettä. Mir heinis troffä am 8.Novämber 2009 bi kaltem aber trochenem Wätter. Si sie abgloffä am 0745 und si acho am 0830 hinterim Hof Maiberg ufem TCS Parkplatz. Do obä hei dr Walti und dr Christian ( Chris ) scho alles barat gmacht gha. D'Bänk und Tisch und s'Holz fürs Füür het dr Jörg mit em Auto und im Aahänger am Samschtig zobä ufä gschtellt. Ich bi au g'fahrä mit em Erwin. Jetz hei si numä no müessä cho. Und si sie cho d'Ormalinger Schützä. Si hei äs bitzeli warm gha, underim Chittel wo si aagha hei. Aber süscht isch alles gut gsie. Mää het vo dene prächtige Plattä gässä, Bier Wy und Mineral hets au gha, und drunkä drzue. Aber gli isch dä halt d'zänt gsi und si hei wider müessä laufä uf Wägästette, am 1000 ni isch's Schiässä agseit gsi. S'Babsi het drno mis Auto gno, und isch mitem Erwin überä gfahrä. Ich ha mit em Walti ufgrumt und bi mitem Jörg sim Auto ins Ormalinger Schützähüsli gfahrä, Dört hei mer d'Restä usgladä und dr Ahänger anegschtellt. Nohär sie mir au uf Wägästettä gfahre. Wo d'Schützä acho si hets ä ufwärm Drunk ge unds Schiässä isch an dr reiä gsi. Gschossä isch nid so guet wordä aber es het dennnoch ä Sieger ghe nämli dr Ehrsam Jörg, Gratulation ! Zwöitä isch dr Stohler Stefan gsi, und dr Gysin Marcel drittä, au do Gratulation ! Bi dä Helliker hat ä Frau gunnä. Sandra Äschlimann. Herzliche Gratulation ! Und jetz ischs ans Ässä gangä. Dr Speiser Christian mit sinärä Frau, d'Astrid,( er macht no näbäbi Partysevice )vo Magdä, het is es wunderbars Ässä anegstellt. ( Schwynsbrotä annärä Championsauce mit Butternüdeli und ä Pfirsichschnitz mit Rahm ) usgezeichnet ! Zum Dessärt hets verschideni Chuechä geh. ( Schokocake, Rahmroulade mit Baumnüss und ä Cake (weiss nid was es für ein gsi isch) mit Johannisbeeri dinnä ) ä Traum. Und scho ischs ans Jassä und s'dummä Schnurrä gangä. Zyt isch vorbi und mir heinis uf ä Wäg heiszue gmacht. Dr Gilb mit em Pauli em Walti em Scholer Peter (er isch serscht mol wider cho), Ich mit em Heinz em Erwin em Philippe und em Babsi, dr rest isch gloffä, Ziel Ormalinger Schützähuus ! Wo mir zrugg gsi si hani dr Philippe dähäi usglade, dr Erwin und der Heinz bim Babsi undä, und mir si zum Schützehuus ufägfahrä. Wo mir ufächömme si mir elei gsi. Nachem ä wieli hani im Jörg aglütet (er isch gloffä) und gfroggt wo s'zwöitä Auto isch ? Antwort: allwäg innärä Beiz ! Diä laufendä sie nochhär au cho, und keinä het ä Schlüssel gha. Zum gute Glück isch dr Marci cho und het ufgmacht. Dr Stefan het Adiö gseit und isch hei . Mir hei zämä no einä drunke und si au heimzue.Es isch trotz denä Unstimmigkeitä am Schluss, ä tollä Tag gsi. Sali zämä !
Do si scho alli versamlet gsi 
Eso hei die Plattä usgsee 
Für es usgiebigs Znüni, guet oder ? 
Diä zwee hai sä gmacht, und au s'Füür, merci Walti und Chris 
Do si si acho uf im Parkplatz 
Mä het öppis drunkä und plauderet 
und ummeglugt öb alles recht isch 
au im Marci si Hund hets gnossä 
es si wider alti Erinerigä ustuscht wordä 
s'het jedem gschmöckt, glaub I 
do simer aneghockt im Schützehüsli Wägästettä 
dr Franz und dr Erwin hei ufs Essä gwartet 
d'Jungschützä hei au plauderet mit im Jungschtzäleiter 
fascht alli versammlet bim ufwärmä 
das si eusi Gastgäber vo Hellikä gsie 
wiä mir gseiä chöne si au Jassä, ( si meines ämmel ) 
diä zwee hei es heisses Gspräch gha 
dr Klaus het im Jörg in d'Charte gluugt 
do si mer scho fascht alli gangä 
das isch dr Klaus wo über dä Tag nochedänkt 
au dr Jörg lots no eimol lo passierä 
das isch dr räschtä gsi wo no fürig blibä isch bis zum nächschtä mol, guet Nacht ! | |
| letztes update 10. Novämber 2009 |