fsg-ormalingen

grättimaa - schiässä 2016

jetz isches do, s'grättimaa - schiässä !!!

sisch chalt gsi an däm samschtig hets mi dunkt.

shet nid äso vill teilnämer gha wie erhofft, aber es isch durägführt wordä. wie immer sie drei stichä zur verfügig gschtande.

1. dr grättimaa - stich.

das si 4 probe und noher 10 schuss 5 einzel, 2 serie und 3 serie.

der 3. platz het dr buser urs mit 90 punkt gha,
dr 2. platz het dr mangold hanspeter ( piggä ) mit 91 punkt gha,
und dr 1. platz het dr waibel kari ( mock )mit 92 punkt gha.
shet jedem vo denä ä grättimaa ghe, in dr grössi entsprächend.
i gratulierä denä 3 recht härzlig.

2. dr diffäränzler stich

do si 6 schuss uf d' 100er schibä gschossä wordä. diä zahl wo het müessä breicht wärdä isch vo einerä person vorher aghe wordä, zwüschä 400 und 600, und isch verschlosse imenä cuvert ufbewart wordä.
zahl isch gsi 488.

3. isch gsi dr kaufmann anton mit 492 punkt, diff 4 punkt.
2. isch gsi dr ehrsam heinz mit 485 punkt, diff 3 punkt.
1. isch gsi dr völlmi mattias mit 485 punkt, diff au 3 punkt, er isch jünger als dr heinz.

diä drei hai au d'prisä abgholt.
au denä härzlichi gratulation.

3. dr glücksstich

do hets uferä zudektä schibe lokänä und wäge ufkläbt gha, diä het mä müssä breichä no hets pünkt ghe. wer nid breicht het, hets numä 10 punkt ghe pro schuss.

3. isch dr völlmi matthias mit 100 punkt gsi,
2. isch dr piggä mit 120 punkt gsi
1. isch dr wyler werni au 120 punkt, er isch au jünger als dr piggä, gsi.
au denä schützä recht härzlichi gratulation.

im witärä möcht i no im jasmin und im walti dr beschti dank, im name vo minä schüzuäkollegä, ussprechä. mir si vorzüglig bewirtet wordä !

noher isches witergangä mit ramsä und guter lunä bis mr heigangä si !

jetz wünsch i allnä no ä gueti zyt und möchets guet. tschau zämä !

und jetz no ä paar fotänä