Resultate | Gästebuch | Fotoalbum | Jungschützen
|
grättimaa - schiässä 2015 nonig jetz, erscht wenns zyt isch ! und diä isch jetz ! sali mitänander, es het eus gfreut, dass wider ä so vill ans grättimaa - schiässä cho si. bsunders gfreut het mi, dass i ha chönne zwee alti schützä begrüesse, nämmli dr völlmi erwin und dr buessinger ernst ! si si nit zum schiässä cho, nei si si einä cho zieh in dr dellerä obä. gäll heinz. si hei immer kontakt mit ihm. zum schissä: es het au aafänger gha,
wo d'hilf vomenä schütz in aschpruch gno hei, wie im matthias si liebschti ! noher bim gmütlichä teil isch alles wiä üblich abgloffä, es het gnue z'trinkä
und z'ässä gha. zum ässä: es het dasmol es guets menü gee: do möcht ich mi im beizer walter kurmaa und dr chöchin jasmin fiechter ganz herzlich bedanke, dir heit das wiä immer ganz hervorragent gmacht. merci villmol !!! i ha nummä no d'räng vom grättimaa - schiässä im chopf, im glücksstich nr 1, diä schibä wo die gschossänä punkt zellt hei, es sie dasmol grättimannä gsi, wo pünkt geh hei, het s'tina hugentobler gwunnä. im glücksstich wo abwichig vonerä zahl, diä isch dasmol 379 gsi, ( mä het
6 schuss uf d' 100er schibä gschosse,)
( die isch vom edith kull bestimmt worde, und in es cuvert verschlosse wordä ) au denä 2 nä gratulierä ich recht herzlich. noher isch recht agregt dr rams gjasset wordä. sisch ä glungänä obä gsi ! jetz no ä paar fotenä, tschau zämä 
dr matthias het vill z'tue gha mit sinerä frau... 
do het si allwäg es zähni gschossä, s'hei ämmel beidi glachä... 
dr pauli hets au in aagriff gno... 
dr hp het au gschossä, und gfluecht noher... 
d'gwüenner vom grättimaa - stich 1. philippe 2. urs und 3. cornel... 
dä herrlich teller voll hörnli und ghackets, vill chees, mit öpfermues, es gedicht... 
es frölichs beisammen sein... 
do si si no zämä glägä...bis...... tschau zämä dr Webmaster... |
| letztes update 8. dezämber 2015 |