|
grättimaa - schiässä 2014 nonig jetz, erscht wenns zyt isch ! jetz isch zyt cho, do isches !!! sali zämä zerscht voräwäg, es isch schad, es si nummä wenig an das grättimaa-schiässä cho. es isch ä so schad, es isch doch ä so traditionell gsi, bis dohi, oder nid ? oder ischs echt will dr 6i grad hüt gsi isch ? i weisses nid. es isch schad . aber jetz chömemer zum schiässä. als erschts muess dr grättimaa - stich gschosse wärdä. 4 schuss probe uff 10 schibä, nochher 5 einzelschüss uff 10er, aschliessend 2 schuss serie uff 10er und zlescht 3 schuss serie uff 10er schibe. das git nach adam riese 100 punkt. gunnä het .... s' fiechter jasmin vor im buser urs und im kurma christian. bravo allne, das isch frauenpower.
dasch dr pris gsi für ä 1. rang im grättimaa-schtich.... noher isch dr 100er stich uf im programm gschtandä. das si 5 schuss uf 100er schibe gsi. s'kull edith het dähai ä punktzahl zwüsche 360 und 400 uf ä zettel gschribe, in es couvert ine do, und zukläpt. es het nit emol dr pauli gwüsst wivill das es gsi isch. es hai alli die 5 schuss gschossä und gwartet was dört drinnä gschande isch. dr pauli het de brief ufdo und punktzahl 386 isch zum vorschin cho. 1. isch gsi dr mangold hampe... 2. s'fiechter jasmin... 3. kaufma michael... au denä herzlichi gratulation...!dr erscht het ä früchtechorb übercho. zletscht heimer no dr glücksschtich gschossä. das si 6 schüess uf die sogenanti glücksschiebe gsi. die het niemerz gse vorhär. die schibä isch umgekehrt ufzoge worde. die sichbari sitä B4 vorne. do het s'glück uf sinerä site gha, dr kaufmaa anton vor im kull pauli und im kaufmaa michael. au bi denä glückwüensch...er het ä gueti fläsche wisse wy übercho und raclett ches... 
dasch d'schibä gsi, wo mä druf gschosse het noch dere prisverleiig si scho villi hei gange. die hai halt nid gwüesst wasenä entgoht. ä wunderbari gulaschsuppe und zum dessert öpfelschüechli mit vanillsosä. das isch ä wunderbarä schläck gsi!!! 
ä herrlichi suppä...gäll jasmin 
und denn die guete öpfelschüechli mit vanillesose, ä schmaus.... im übrige möcht i no dr bedienig danke, dr jasmin fiechter und im walter kurmaa. das hait dir guet gmacht. merci villmol!!! ä paar fotenä hets au no.. 
d'hemmiker hai ä scharfä jass klopft...do het dr peter nummä gschtunt... 
amenä anderä tisch isch gfachsimmplet wordä 
mä het fascht chöne sägä, dr bussinger tisch... 
dr tschan ghört au no zum bussinger - tisch..... 
dr heinz het au mitdisqutiert.... 
dr räschtä isch scho ä chli müed gsi nach im essä... 
do hets dr pauli mit im hansruedi luschtig gha, sie hai sich allwä witz verzellt... zum schluss chani nummä no tschüss sägä, ä schöni wienecht und es guets neus joor z'wüensche... tschau zämä dr Webmaster... |
| letztes update 7. dezämber 2014 |