grättimaa - schiässä 2011

tschau zämä....

als erschts möcht i dr namä vo däm schiessä richtigstellä...

do si mir wider bi däm grättimma-schiessä. mä het nid gwüesst wivill lüt das chömä, und so isch das schiessä agfangä worde. mir hei am schluss glaub 2 mee gha als s'letschte joor. merci allne !!

zu dr rangliste chömemr nocher bi dr fotiübersicht.

es isch nochher wider zämäghockt worde und gramset worde wi alewil bi däm schiessä. ä glungeni sach. me hets ämel glatt gha. bsunders denn, wenns babsi dä ( witz oder au nid witz ) vo däm spitzer im regierigsgebäude verzellt het.

zum essä hets gschnätzlets mit härdöpfelstock und rüebli, vorewäg ä grüne salat, ghe. i hamer lo säge, es seigi au guet gsi.

voreweg hai mr alli uf die rangverchündigung gwartet, die chunnt grat.

jetz wünschi all denä wo do obe diä gescht unterhalte hai, ä schöni wienecht und es gsunds neujoor !

und jetz chunnt rangverkündigung,
und no nä paar fotene

mä hets glatt gha do obä

im maus hets glaub au passt

es si alli beisammen gsi

dr bruno het sich gsund kuriert, er het fieber gha....

villi grüess nach amerika, gell heinz

s'edith bim diskutierä

im maus sini chopfbedeckig, er isch mit im töff cho...

do het s'babsi dä witz vom "spitzer oder au nid spitzer" verzellt

s'fränzi isch au guter laune gsi

dä "ad" buur het im stefi nid eso richtg wölle glaube

das si prisä vom glücksstich.....zerscht di düürere

nochher di mittel düüre

zletscht di weniger düüre

zwee hämmiker wo z'ormalingä wohne am diskutierä

do heimer ä uslandschwitzer vo kanada mit em peter im gschpröch

d'maus macht grossi auge, s'babsi lacht nummä

dr waiber kari mit im 1. pris im grättimaa-stich....gratulation !!!

das isch das joor d'glücksschiibe gsi, wo mr drufgschosse hei

gunne het dr ehrsam heinz vor im babsi und im chris...gratulierä!!!

dr hunderter stich het s'edith für sich chönne bueche... guet gmacht!!!

das bin i, dr schriber

mit dem egge ass het er s'spiel für sich chönnä entscheidä.....maus

an der gestick a, het s'babsi 5 stich chönnä schribä

im presi " kläusli " hets au passt do obä

zwee fraue wo sich gschtärkt hei... s'babsi und s'käthy

au diä si in dä rams verdieft gsi

im christian sini fründin, d'jasmin, bim gschier abwäsche...

au dr hüttewart het zwüschäninä ä verpflägig müssä ha... walti

dr ernst het genau lost was si zäge gha hei

do nomol di ruendi wos ernst zugange isch

sletscht wo i igfange ha, s'brigit und dr matthias,
prost und es guets neus.

und jetz wünsch ich allne no äs guets neus und ä schöni wienecht,
blibet alli gsund.

tschau zämä !!!