sali mitenander,

es si dasmol mehr cho als s'letschtä joor. mir chönnä s'cupschiässä duräfüerä. es si glaub 15 gsie. also zum usschiässä gnueg, das es zum viertelfinal glängt het !

es hai am aafang alli gschossä, 2 probe 6 schuss einzel. wo zellt hai. diä erschte 4 si widder cho, dr rest het müessä d'hoffnigrundi schiässä. 1 probe und 6 schuss einzel. 2 si widder cho. nomol sgliche, und diä beschte 2 si widder cho. also si diä 8 beschtä zum viertels final vorig bliebe.

1. paarig isch dr urs gegenä chrigel gsi. diä het dr urs mit ä chli glück gunnä.

2. paarig isch dr michi gegenä matthias gsi. diä het dr michi gunnä.
dr matthias mitemä fehlschuss, dr letschti schuss äs 7. s'gwehr isch gschuld gsi, jänu !

3. paarig si die beide peter gsi. kei frog, dr pauli het das duell für sich endschiedä.

4 paarig isch dr philippe gegenä walti gsi. dr philippe het das unglichä duell gunnä.

nochher isch wieder usglost wordä zum halbfinal.

dr michi gegenä urs. dr urs het sich duregsetzt. witer !

dr pauli gegenä philippe. zwee gueti schützä wo enander nüd gschenkt hai. mitämänä 10i äs 9i äs 10i äs 10i äs 10i het dr philippe nüt schönnä usrichtä. pauli witer !

dr chleini final isch vom michi und vom philippe usgschossä wordä.dr michi het alli schüss rechts gha und nid gschobä nach links. jänu michi 4. und dr philippe 3. !

z'letscht dr final, dr urs gegenä pauli. no eimol ä so wiä z'letscht gegenä philippe, das wer guet, aber das isch nid äso gsi. dr urs het dä final verdient gunnä !

so isch das gsi mit däm cupfinal. i muess no sägä, das ich dasmol nummä s'schiässä abfotigrafiert ha, also nummä fotenä vo dämm ereignis gha ha. mä isch natürli no zämä ghockt, und het brichtet vo dem tag und no meh.

i wüensch allnä no ä schöni zyt.

tschüss zämä

das si diä erschte zwe wo zum viertels final aaträtä si
dr urs gege dr chrigel... urs widder..

diä zwöitä zwe wo zum viertels final aaträtä si
dr michi gege dr matthias... michi widder..

diä drittä zwe wo zum viertels final aaträtä si
dr peter gege dr peter ( pauli )... pauli widder..

zlescht no diä viertä zwe wo zum viertels final aaträtä si
dr philippe gege dr walti... philippe widder..

zyt vor im halbfinal....

diä erschtä zwe wo sich zum halbfinal gschtellt häi
dr michi gege dr urs... urs final.... michi um ä 3. platz...

diä zwöitä zwe wo sich zum halbfinal gschtellt häi
dr pauli gege dr philippe... pauli widder.... philippe um ä 3. platz...

zyt isch au gloffä...

dr chli final isch aagschtandä... dr dritti platz...
dr michi gege dr philippe... philippe isch drittä, dr michi viertä.. gratulation..

jetz isches so wit, dr cupsieger zeigt d'uhr aa...

dr final...
dr urs gegä dr pauli...dr urs isch vornä gsie,
cupsieger 2016,
dr pauli zwöitä...
härzlichi gratulation !!!

do si si nomol, 1. urs, cupsieger !, 2. pauli, 3. philippe, 4. michi...!!!

uf widerämol dr webmaster