cup - schiässä 2012

grüess euch !!!

sit dr alli zwäg ? ich bis ämmel.
mir si hüt do ufä cho, zum s'cup-schiässä z'schiässä ! zimlig chalt isches gsi die letschti nacht, aber drfüer isches sunnig, guets schiässwetter also.

eso hets usgseh, wunderbar klar und sunnig isches gsi...

mir hei am zwöi ummä aagfangä. es hai alli 2 schuss probe und 6 schuss einzel uf 10er schiebä gschosse. es sie die vier beschtä mit dä höchschtä resultat witter cho.

nochher hai alli, usser dene beschte vier, s'glichi progrann gschossä. die beschtä zwee si witter cho.

mir hai nomol alli. usser dene beschte sechs, s'programm gschossä, und nomol si diä beschte zwee witter cho.

jetz si diä acht beschtä im achtelsfinal gschtandä.

dr kurmaa walti het d'lösli zoge, wo jede gha het. d'paarigä hai eso usgseh.....

s'erschti paar: dr presi gegenä philippe... s'schient klar d'sie......

s'zwöiti paar: dr jörg gegenä peter....mä weiss nüt gnaus....

s'dritti paar: dr pauli gegenä michi....ä chranzschütz gegenä jungschütz.....das isch cup......

und denn no vierti paar: dr heinz gegenä matthias....au ä guätä schütz gegenä aafänger quasi

widdercho sie: dr presi, au es blinds huen findet mängisch es chorn,
dr jörg, het suverain dr peter usä gheit,
dr michi, ä jungschütz het dr pauli überläge usägheit, bravo michi
und dr matthias, im heinz isches dr ganzi tag nid gloffe.

und noher isches widder gange, d'los si widder zoge worde. und eso hets usgseh.....

erschtä halbfinal:
dr presi hets buechschtäblich verjagt, und dr jörg isch widder cho,
dr final rüeft.....

zwoiti halbfinal:
punkteglichschtand nach föif schüss, beidi 46 punkt, ei schuss nochälade und schiässä, dr michi het es zähni,ä sägsenünzger, dr matthias "numme" es nüni, ä nünzger, slängt nid, michi isch im final

dr presi het dr vierti platz gmacht, und dr matthias het dr driiti platz.......herzlichi gratulation !

und do si si no emol diä sieger. das heit dr guet gmacht. merci !!!