Hoi zämä,

Sid dr alli zwäg zu dem bewärte cup - schiässä ?

Es rägnet hüt dr ganz tag ! aber mir schiässä glich hüt ! i schriib das vorem wettkampf am samschtig am morgä. mir löi öis loo überraschä ! es isch jetz 10.33 und i wart jetz ufä nammitag.

Jetz will ich euch dr verlauf erklärä.......am aafang schiässä alli 6 schüess wo zellä. immer die högstä resultat, verstoht sich. d'helfti wo am cupsystem teilnähme, (wenn's ä 16tel final git, si 16 teilnämer, imenä 8tel final sis 8 und so witter.)

dr räschtä chunnt in'd hoffnigsruendi, widder 6 schuss wo zellä. (die högschte immenä 16tel final si 16 und immenä 8tel final si 8.)

dr räschtä, ( wenn's eine gitt ) scheidet us.

mir heis halt anderscht gmacht. mir si "nummä" 16 schüetzä gsie, und hei uusscheidige gschossä bis zum 4tel final. d.h. serscht mol ( in dr qualifikationsrundi ) si 2 witter cho. nochhär ( in dr 1. hoffnigsrundi ) si 4 witter cho. zletscht ( in dr 2. hoffnigsrundi ) si nomol 2 witter cho. das si di 8 schüetzä gsi, wo in dä 4tels final inächo sii.

es isch nochher uusglost worde.

es isch gsi, s'weber edith gegä nä vogel philippe, dr gysin marcel gegä nä kull peter, dr stohler stefan gegä nä ehrsam heinz und dr kaufmaa tony gegä nä kurmaa christian. diä 8 hei dr viertelfinal gschossä. wittercho isch dr philippe, dr marci, stefan und dr chris.

und widder isch uusglost worde

dr philippe gegä nä marci und dr stefan gegä nä chris. dr chris und dr marci hei gunnä. dr stefan und dr philippe hei um ä 3. und 4 platz gschossä. dr stefan isch als 3. sieger usächo. gratulation !!!

jetz isch's um ä cupsieger gangä, dr marci het di ruhigiri hand gha und hei dä final gunnä. härzlichi gratulation denä zweene !!!!!

jetz hei mir eus s'loo gut gho in dr schütza beiz. es het steacks und würscht, und wär het wölle, pommfrit, ghee. z'trinkä het mä au chönne ha, was me het wöllä. und gschwäzt isch natürli au wordä. mä het überä sieger vo letscht joor gschprochä, über schwul oder nid schwul sie, über d'stärnä im weltall, über alles eifach.

am ölfi bin i hei gange go schloofe, guet nacht !!!

ps: i muess no säge wär do mitgmacht het. dr hueber franz, dr ehrsam jörg, reinle klaus, dr schneider chrigel, dr kurmaa walti, dr völlmi matthias, dr jaquez tony, ä jungschütz und no nä jungschütz.

jetz löi mr numme no ä paar foteli sprächä, lueget guet.....

do si si uufgschtande, dr vize- und dr cupsieger

am aafang het er no resultat vom eidgennösische studiert

dr pauli het sichs do loo wohl si

wohrschinlich het do eine öppis luschtigs verzellt, ä guete witz oder so

au dr chrigel hets kurzwilig gha

dr stefan het sich ufä 3. platz gschossä

dr chris kurmaa ufä 2. ( lache. s'git ä foti )

dr verdienti cupsieger 2010 nomol recht herzlichi gratulation allnä

dr philippe als 4. mit im 3. dr stefan

das isch dr erschti priis gsi 3 fläsche wyy und ä gravierti medallie

do cha me scho uusgibig vo herzä lachä mit im wyy hinde dra

mängmol het dr klaus genau zueglost

au dr pauli het genau zueglost, mä weiss jo nie

do het's edith öpis vo de sternä verzellt, glaubi

aaschliessend isch sie ganz nochdenklich gsi

dr klaus hets vom mond und vom jupiter gha

zum schluss nomol s'stockerl vo dä gwünner vom hürige cupschiäesä 2010 (s'lachä wider nummä zwee)