no öpis vormels vorhär.

d'schützä hai an der gv, ändi februar, wegä derä bundesfyyr, öb mä se macht oder nid, abgstummä, und do isch es jo usecho. also mir mache sä.

ca 1 monet verher, ändi juni, het dr vorstand vo dä schützä beschlossä, mir möchä diä bundesfyyr nid. mangels helfer.

do het s'babsi gseit, i mach diä bundesfyyr, ghaue oder gschtoche. mir hei jo dr kulturpris für das fescht übercho, do chamä nid eifach sägä mir möches nümm. komisch, helfer si gli gfunde gsi, mä muess halt mit de lüt redä, und nid eifach ä zetel schribä, wo mä sich hätti chönnä idrägä, das goht nid. s'het ämmel klappet glaub i, oder nid ? öb öpis usägluet het bi däm fescht stoht ufänäm anderä blatt. sisch ämmel glatt gsi.

jetz isch si do, diä bundesfyyr !

d'lüt si cho wiä e und je, und hai sich ä platz gsuecht. sisch gli ä stimmig gsi wie sichs ghört anerä bundesfyyr. mä het sich äs steak mit salat bstellt, oder ä wurst mit hörnlisalat. für diä chlinä bsuecher, wienerli und es brötli. zum dessert hets cremschnittä geh, oder sälbergmachti chuechä. mä het übers fisch fo gret, ( dr edi rutil und der tony egli hei ä 67 kg fisch an der anglä gha ) ds kanada ähne. ammänä anderä tisch hai si über aktiä gredet. so isch dä obä zähnt gangä. d'lüt si zfridä gsi. und so simer hei gangä.

e schönä gruess no vo allne an fam sommer, wo in dä feriä si.

jetz no ä paar fotenä. punkt.

s'füür, es het tadelos brennt...

dr roland, i hanin dfrogt, öb er dr richtig weg gloffä sig ?
( ormalingä statt hämmikä )

dr peter het mit im marci disqutiert...

diä drei damä hani au no vor d'linsä übercho, s'käthy, s'babsi und d'michelle...

s'anita het mi ganz verstolä agluegt....

das bin i, s'babsi...

dr marci und ich...

ohä, scho guet in fahrt öisä roland....

widder s'babsi, was si ächscht studiert....

do het er öpis d'sägä gha, dr roland und s'käthy....

dr matthias het uf dä hufä ufpasst...

si het dr rytmus im blut....

diä drei hai öpis anders im blut gha, dr ralph, dr ramon und dr didi....

dr roli und im ralph sini frau s'karin...

dr mattias het allwä ä witz verzellt

nummä no schnäll usdrinkä, denn göngä mir hei...

s'füür isch au abä brennt. sisch zyt zum hei go...03.45 uhr...

guet nacht zämä, schlofet guet, tschüss !!!