jetz isch si doch cho, diä zyyt, mein i.

i ha nit vill d'schribä, vo derä bundesfyyr. mä het nid vill gmerkt, dass das d' " 1. augschtä " fyyr isch. mä het keis füür chönä aazündä, mä het keini ragetä chönä abloo, es isch eifach ä anderi stimmig gsi. wiä anemä hundsgwöhnlichä fescht. jä nu, d'natur het gwunnä !
es het doch zimlig vill lüt gha, diä lüt " mit dä chinder " si leider scho wider zimlig früe, öpä an 10ni, heimgangä.

es isch ä gmüetlichi fyyr gsi. wo am aafang nid äso usgseh het. prislistä und getränkelistä hei gfeelt, usw. si si ämmel dennä doch no cho, sisch scho guet äso.

i wett ämel dä organisatorä vo dämm fescht recht herzlich danke und säg " witter äso " !!!

jetz hani no zwee dreei fotänä zum aaluegä. guet nacht mitänant !

das het nid ä jedä gfreut, d' umgäbig isch z'troch, also, " kei füür !!! "

vor dä 7ne, s'zält isch no leer...

so au no usgab vo dä getränk und im ässä...

s'het kei wind, mä gsehts an dä fahnä wo do dra hangä...

dr schützäpresi het ä verdankendi asproch gha...
und gmeinipräsidänti het es guvert für's esf 2015 übergee...
" diä isch aber ersch am samschtig, am 19. septäber 2015 ???..."

das isch alles für das joor. hebets guet...

dr Webmaster...