Eidg. Schützäfescht Aarau 2010

Jetz isch dä tag cho, s'schützäfescht z'aarau !!

es sii fasch alli pünklich cho am 9 nüni, an dämm dunnschtig am morge am 24.06.2010. Dr Pauli, dr Markus und dr Werni si am nammitag drzue cho,sowie dr Mätteli, er het müesse schaffe am morge. Mir si also uf das rupperswil gfahre und hei eusi gwehr abgno und d'munition, die hets immenä schächteli us hartplastik originell, gfasst. Nohär si mr go nä platz suche fürs mittagessä. Dä hei mr gfunde immene schön aagleite sitzplatz, bedient und unbedient. Mir si natürli unbedient aneghockt dennä shet ä kiosk 20m hindezu gha. S'het überhaupt alles gha, ä biertheke, feldschlössli usem fass, ässe het me chönne go hole, eifach alles.

Am 1 umme isch dr pauli und dr marki cho. Si hei au die üblichä kontrolle duregführt und si zu eus aneghockt.

Spöter het dr walti gseit zu mir, he toni, dört si no 3 vo ettehuse! I ha mi umdräit und ha sä gseh. Stimmt, aber es si 3 vo ettehuse wetzikä gsi, dene si mir fahnegötti gsi, I ha sä aaghaue und mir hei über diä altä zittä blauderet.

Aber jetz ischs bi eus um schiessä ghange, me hets gmerkt, sisch plötzlich keine me umme gsi, alli si um diä 2 schiebe wo mir zugwiese gha hei, ummegschtande. Natürli hei immer 2 gschosse, verstoht sich vo selber.I bi mit der zit au abglege und ha gschosse. I ha d'probeschüss guet gha, dennä hinderä gruefä "aargau". Si heimer dä stich igläse und ich ha gschosse 5 einzel 3 serie 69 punkt, nit guet aber es het glängt, und grat hindedri hani gruefä "rupperswil" au dä häi si mir igläse 3 einzel 3 serie 46 punkt, scho dr erscht verprote. I bi ufgschtande und an platz go nes bier drinke.

Wärend däm dass i s'bier drunke ha, chunnt dr Mätteli au no cho schiessä, Er het müesse gho schaffe wie gseit.

Spöter bi i widder hindere ins schiesszelt und ha grat glück gha, und ha grad chönne ineligge. I ha iigschosse shet grat gschtumme und i ha hindere grueffe "verein" dasch d'sektion 6 einzel 4 serie i ha guet aagfange 8 9 10 9 8 5 "gottverdammi" denn di 4 serie dr erscht äs 10 denn äs 9 äs 8 und äs 7 83 punkt, (84 punkt git dr chranz), deprimiert bi ni grat widder use "schissdreck"! Nachener stund bini widder innä und ha d'serie und dr uszahler gschosse, beidesmol vereckt, in jedem hani 1 schuss uf die falschi schibe gschosse, scheisse ! I bi use go ne zigarette rauche ha nes volls magazin gholt und bi widder ine gläge und ha dr chranzstich gschosse 6 einzel 8 8 10 8 8 9 51, shet glängt, und grat aschliessend kunscht 94 88 97 77 66 422, shet au glängt! jetz bini froh gsi, dass i dr 3 fachi chranz gschosse ha. bravo!!!

Di höchschte resultat im verein (sektion) hai gschosse: dr Kurmaa Christian 92 punkt, dr Gysi Marci au 92 punkt, und dr Kull Peter, (Pauli), 90 punkt. herzlichi gratulation ! Dr durchschnitt vom verein isch gsi, 89.828 punkt. Es fehlä halt no ca 2.7 punkt für gold, jää nu !

Anschliässend si mr go abrechne und hei rupperswil verloh. Nächschter treffpunkt sagi rothefluh.

Mir hei alli mittenand znacht gässe, eis zwöi bier drunke, plöd gschnurret, und si nochher hei gange. Dr bus isch gfahre. guet nacht!!!

Do no ä paar foteli fürs ins album

Do si scho alli versamlet gsi

mä het d'schiessutensiliä igladä

dr letschti saich abgladä

dr Hans kontrolliert nohmol alles öb mr keinä vergässe hei

mä het platz gno d'wisslos si au verträttä gsi

s'Babsi het es vierblättrigs kleeblatt gfunde

di eintä hai öbbis z'ässä zu sich gno, wie dr Hans

dr Philippe und dr Chrigel si sich nonig ganz schlüssig gsi

do het er sich für öbbis z'ässä entschide, ä guetä Philippe

au dr Chrigel het sich für öbbis z'ässä entschide. au ä guetä

d'usssicht isch verheltnismessig einigermasse guet gsi

d'baselbieterfahne het nit gfehlt, wi mä meint, uf däm bild

do si grad dr Pauli und dr Marki Kull aacho, in rupperswil

mä het gedanke usduscht bi dr mittagspause

dr Philippe het im Chrigel und im Steffi öbbis genau erklärt

dr Breesi het niteme stumpä und im Babsi zyt ummebrocht

Do hai mr scho uf nachtässä gwartet, dasch in dr Sagi gsi, Rothefluh

dr Peter het si chranz zudeckt, und het öbbis wölle säge

das isch diä ganzi gruppe Ormalinge gsi, wo gschosse hai am eidgenössischä z'Aarau

tschau zämä, möchet s'guet